ក្រុង ហាណូយៈ ធនាគាររដ្ឋវៀតណាមបាននិយាយថា ខ្លួនបានធ្វើអន្តរាគមន៍ទីផ្សាររូបិយប័ណ្ណបរទេសដ៏សមហេតុផល មួយដើម្បីបង្អង់ការធ្លាក់ចុះប្រាក់ដុងបណ្តាលមកពីកំណើនតម្រូវ ការប្រាក់ដុល្លារអាមេរិកពីក្រុមហ៊ុននាំចូល។
ធនាគារនេះបាននិយាយនៅក្នុងសេចក្តីថ្លែងការណ៍មួយលើគេហទំព័រ របស់ខ្លួនកាលពី ម្សិលមិញថា សម្រាប់ផ្នែកនៅសល់ឆ្នាំ២០១៣ អាជ្ញាធររូបិយវត្ថុនឹងឃ្លាំមើលដោយយកចិត្តទុកដាក់ពីចលនា រូបិយប័ណ្ណព្រមទាំងកម្រិតនៃរូបិយប័ណ្ណបរទេសរបស់ធនាគារដើម្បី ចរាចរណចូលក្នុងទីផ្សារឲ្យទាន់ពេលនឹង «បណ្ដាញផ្គត់ផ្គង់ប្រាក់ដែលគ្រប់គ្រងតាមរបៀបមិនតឹងរ៉ឹង ដើម្បីត្រួតពិនិត្យលំហូរចូលសាច់ប្រាក់»។
ធនាគារកណ្ដាលបាននិយាយថា ខ្លួននឹងព្យាយាមជួយរដ្ឋាភិបាលឆ្លើយតបនឹងអតិផរណា និងទិសដៅកំណើនសេដ្ឋកិច្ចរបស់ខ្លួន។
វៀតណាមបានចូលរួមជាមួយធនាគារកណ្ដាលនៅប្រទេស ឥណ្ឌូនេស៊ី និងឥណ្ឌាក្នុងការអន្តរាគមន៍លើទីផ្សាររូបិយប័ណ្ណដើម្បីជួយដល់ រូបិយប័ណ្ណរបស់ខ្លួនដោយសារការស្មានទុកថា ធនាគារកណ្ដាលអាមេរិកនឹងទប់ស្កាត់វិធានការលើកទឹកចិត្ត រូបិយវត្ថុដែលបានទប់ដល់តម្រូវការទ្រព្យសកម្មសម្រាប់លើទីផ្សារ ដែលកំពុងរីកចម្រើននេះ។
លោក Thomas Harr ប្រធានយុទ្ធសាស្រ្ដទីផ្សារនៅនៅធនាគារ Standard Chartered Plc ក្នុងប្រទេសសិង្ហបុរី បាននិយាយតាមទូរស័ព្ទថា៖ «សម្ពាធលើប្រាក់ដុងគឺស្របជាមួយនឹងអ្វីដែលកំពុងមើលឃើញមាននៅ តាមបណ្ដាប្រទេសផ្សេងទៀត។ មានការបារម្ភជាសកលអំពីការដកប្រាក់របស់វិនិយោគិនពីអាស៊ី។ វាគឺជាការរួមបញ្ចូលគ្នារបស់កត្តាក្នុងស្រុក និងកត្តាពិភពលោក»។
លោកបានសង្កេតឃើញពីឱនភាពពាណិជ្ជកម្ម របស់វៀតណាមដែលបានរីកធំឡើងរយៈពេលបួនខែ គិតត្រឹមខែឧសភាពី៩៣៦លានដុល្លារនៅខែមេសាដល់១,២ពាន់លានដុល្លារ នៅខែឧសភា និង៥៤៦លានដុល្លារនៅខែមីនា។
តាម Bloomberg ប្រាក់ដុងដែលបានខាតបង់ប្រហែល០,៥ភាគរយចាប់ពីថ្ងៃទី៣០ខែមេសា បានធ្លាក់ចុះ០,១ភាគរយ កាលពីម្សិលមិញមកនៅ ២១ ០៣៣ដុងក្នុងមួយដុល្លារ។
ធនាគារកណ្ដាលបានអះអាងពីគោលបំណងរបស់ខ្លួនជាថ្មីម្តងទៀតក្នុង ការកំណត់ការប្រែប្រួលប្រាក់ដុងរហូតដល់៣ភាគរយនៅឆ្នាំនេះ។ ធនាគារនិយាយថា ខ្លួននឹងព្យាយាមជំរុញកំណើនឥណទានពី២,៩៨ភាគរយក្នុងរយៈពេល៥ខែ រហូតដល់១២ភាគរយ នៅចុងឆ្នាំ២០១៣។
យោងតាមទិន្នន័យបានធ្វើឡើងដោយ Bloomberg វិនិយោគិនបរទេសជាច្រើនបានលក់ភាគហ៊ុនវៀតណាមច្រើនជាងពួកគេបាន ទិញនៅខែនេះដែលបានដកប្រាក់សុទ្ធចំនួន២៤,២លានដុល្លារ។
យោងតាមលោក Markus Rosgen អ្នកវិភាគនៅក្រុមហ៊ុន Citigroup Inc បានសរសេរនៅក្នុងរបាយការណ៍ថ្ងៃទី១៤ ខែមិថុនាដោយលើកឡើងថាវិនិយោគិនជាច្រើនបានដកប្រាក់២,១ពាន់លាន ដុល្លារពីអាស៊ីកាលពីសប្តាហ៍មុនដែលជាចំនួនច្រើនបំផុតចាប់ពីខែ សីហាឆ្នាំ២០១១៕ PB
(ភ្នំពេញប៉ុស្តិ៍)
