មនុស្សពាក់វ៉ែនតា
គឺជាទូទៅសំដៅលើអ្នកដែលពាក់វ៉ែនតាម៉្ញូបជាជាងវ៉ែនតាធម្មតា។
មនុស្សជាច្រើន មិនថានៅកម្ពុជា និងក្នុងពិភពលោកទេ
ពាក់វ៉ែនតាម៉្ញូបជំនួយភ្នែកឲ្យមើលឃើញច្បាស់។ ប៉ុន្តែ
អ្វីគួរឲ្យព្រួយបារម្ភនោះគឺថា ពួកគេមួយភាគធំ
មិនបានយល់ដឹងច្បាស់ពីរបៀបជូតសម្អាតវ៉ែនតាពួកគេឡើយ
ដែលធ្វើកញ្ចក់វ៉ែនតាមានស្នាមកូត និងស្រអាប់។ ប្រការនេះ
កាន់តែប៉ះពាល់ដល់កែវភ្នែករបស់ពួកគេដែលកំពុងតែខ្សោយស្រាប់។
ដូច្នេះហើយ ទើបយើងនឹងសូមលើកយកវិធីសាស្ត្រពីរយ៉ាងក្នុងការលាងសម្អាតវ៉ែនតាម៉្ញូប ដល់ប្រិយមិត្តទុកគ្រាន់ជាចំណេះដឹង។ ការលាងសម្អាតវ៉ែនតា គួរប្រុងប្រយ័ត្ន ព្រោះវាអាចប៉ះពាល់ដល់អាយុជីវិតកែវភ្នែកអ្នក!
១. លាងនឹងទឹកធម្មតា
-
បើសិនជាកញ្ចក់វ៉ែនតាអ្នក មានជាប់ធូលីធម្មតា
អ្នកអាចយកក្រណាត់ជូតវ៉ែនតា
(ក្រណាត់ទន់ភ្ជាប់ជាមួយពេលដែលអ្នកទិញវ៉ែនតា) មកជូតថ្នមៗ
និងមួយៗ។ ការជូតនោះទៀតសោត ត្រូវជូតពីឆ្វេងមកស្ដាំ
ពីស្ដាំមកឆ្វេង
មិនមែនចេះតែជូតប៉ាតណាប៉ាតណីដែលធ្វើឲ្យកូតកញ្ចក់វ៉ែនតានោះទេ។
-
បើកញ្ចក់វ៉ែនតា មានជាប់ធូលីខ្លាំង
អ្នកត្រូវលាងកញ្ចក់នឹងទឹកធម្មតា ចៀសវាងប្រើទឹកសាប៊ូបោកខោអាវ។
ការលាង គឺអ្នកគ្រាន់តែបើកក្បាលទឹករ៉ូប៊ីនេតិចៗ ពីលើវ៉ែនតា
ឬជ្រលក់ក្នុងទឹកស្អាត រួចយកដៃជូតលាងថ្នមៗ
និងប្រើក្រណាត់ជូតវ៉ែនតាជូនឲ្យស្ងួត។
២. លាងនឹងទឹកថ្នាំបាញ់
បើ
សិនកញ្ចក់វ៉ែនតាអ្នក មានជាប់ខ្លាញ់ ឬប្រេង
ដែលកើតឡើងដោយសារខ្លាញ់លើមុខអ្នក
ឬចំហាយខ្លាញ់ពេលអ្នកកំពុងញ៉ាំអាហារ
គប្បីលាងសម្អាតវានឹងទឹកថ្នាំបាញ់
រួចប្រើក្រណាត់ជូតវ៉ែនតាពីឆ្វេងទៅស្ដាំ ពីស្ដាំទៅឆ្វេង
ចៀសវាងមានស្នាមកូត បើជូតមិនត្រឹមត្រូវ។
ទឹកថ្នាំបាញ់លាងសម្អាតកញ្ចក់វ៉ែនតា
អ្នកអាចរកបាននៅតាមបណ្ដាហាងលក់វ៉ែនតា។
ចំណាំ៖ ចៀសវាងលាងកញ្ចក់វ៉ែនតា នឹងទឹកសាប៊ូ ជាពិសេសសាប៊ូបោកគក់ ព្រោះវាស៊ីកញ្ចក់វ៉ែនតា និងធ្វើឲ្យខូចគុណភាពកញ្ចក់៕
