ក្រៅពីចែករំលែកព័ត៌មាន
និងចំណេះដឹងតាមបណ្ដាញទំនាក់ទំនងសង្គម
ពេលខ្លះអ្នកប្រើប្រាស់មួយចំនួនធំ បានចំណាយពេលវេលាជាច្រើន
ដើម្បីស្វែងរកទំនាក់ទំនងផ្អែមល្ហែមតាមអនឡាញ។
អ្នកខ្លះទទួលបានភាពជោគជ័យ ខណៈអ្នកជួបបរាជ័យរាប់មិនអស់
ក្នុងទំនាក់ទំនងភេទផ្ទុយគ្នាក្នុងពិភពអនឡាញ។ សម្រាប់អ្នកឯកា
ចង់ដឹងទេ ធ្វើបែបណាទៅទើបអាចភ្ជាប់ទំនាក់ទំនងតាមអនឡាញបាន?
ខាង ក្រោមនេះជាវិធីសាស្ត្រមួយចំនួន ដែលអាចឲ្យប្រិយមិត្តដែលអារម្មណ៍ឯកា ចង់ស្វែងរកទំនាក់ទំនងផ្អែមល្ហែម យកទៅធ្វើការអនុវត្ត៖
1. រៀបចំ Profile ផ្ទាល់ខ្លួន និង Profile Picture
Profile
ផ្ទាល់ខ្លួននៅលើបណ្ដាញទំនាក់ទំនងសង្គម
គឺបង្ហាញពីកម្រិតវប្បធម៌
និងបែបបទនៃចំណាប់អារម្មណ៍ក្នុងជិវិតប្រចាំថ្ងៃ។
ដូច្នេះប្រសិនបើអ្នកចង់បានទំនាក់ទំនងល្អលើបណ្តាញទំនាក់ទំនង
សង្គមអនឡាញ ចាំបាច់យើងត្រូវចេះរៀបចំ Profile
ផ្ទាល់ខ្លួនឲ្យបានល្អជាមុនសិន។ អ្វីដែលពិសេសនោះ គឺ Profile
Picture គួរតែស្វែងរករូបភាពណា ដែលមានភាពទាក់ទាញ
ប៉ុន្តែមិនមែនជារូបថតកាលពី ដប់ម្ភៃ ឆ្នាំមុននោះទេ។
2. មុននឹងចាប់ផ្តើមនិយាយទៅកាន់អ្នកណាម្នាក់
ជា
ធម្មតាពេលយើងចាប់អារម្មណ៍ទៅលើអ្នកណាម្នាក់
យើងតែងតែចូលទៅមើល Profile របស់គេ។ កុំព្យាយាមចុច Like រាល់ Status
ឬក៏រូបថតរបស់គេ ជាពិសេសរូបថត Sexy។ កុំ Post បទចម្រៀង ឬក៏
Status ទៅលើ Profile គេ។ បើសិនជាអាច សូមចុច Like រូបថតណាមួយ
ដែលមិនមែនជារូប Sexy ។ មិនគួរ Comment
ទៅលើរូបទាំងនោះដោយបោះពាក្យដូចជា HOT! SEXY! BEAUTIFUL! នោះទេ
ព្រោះថាគេអាចនឹងគិតថា អ្នកគឺជាមនុស្សដែលចូលចិត្តតែស្រី Sexy
ដូចប្រុសដ៏ទៃអញ្ចឹង។
3. ពេលចាប់ផ្ដើមបើកការសន្ទនា
ត្រូវ
ធ្វើខ្លួនឲ្យខុសពីអ្នកដ៏ទៃ ដែលតែងតែនិយាយទៅកាន់នាងថា ស្អាត
សិចស៊ី គួរឲ្យស្រលាញ់ ពេលដែល Chat ទៅនាងលើកដំបូង។ ចូលទៅឆែកមើល
Profile នាង តើនាងចូលចិត្តធ្វើអ្វី ឬក៏ចូលចិត្តញ៉ាំអ្វី។
បោះមួយប្រយោគទៅក្នុង Inbox នាង
ហើយឃ្លានោះត្រូវពាក់ព័ន្ធនឹងអ្វីដែលនាងចូលចិត្តដូចជា
ខ្ញុំក៏ចូលចិត្តអានសៀវភៅពេលទំនេរដែរ។ ពេលនោះនាងនឹងឆ្ងល់ថា
ហេតុអ្វីបានជាយើងសរសេរឃ្លានោះទៅនាង
បន្ទាប់មកនាងប្រាកដជាឆ្លើយតបមកយើងវិញហើយ។
ការសន្ទនានឹងកើតមានឡើងជាបន្តបន្ទាប់
ប្រសិនបើយើងនិយាយចំសាច់រឿងអ្វីដែលនាងចូលចិត្ត។
4. កុំសួរដេញដោលពីរឿងផ្ទាល់ខ្លួននាងច្រើនពេក
ព្យាយាម
និយាយពាក្យបែបកំប្លែង
ធ្វើឲ្យនាងសើចឲ្យបានច្រើនតាមដែលអាចធ្វើទៅបាន ជៀសវាងនិយាយ
និងសួរដេញដោលពីរឿងផ្ទាល់ខ្លួននាងហួសហេតុពេក។
ប៉ុន្តែកុំនិយាយបូរបាច់ហួសហេតុច្រើនពេក។
កុំផ្ដោះផ្ដងពាក្យពេចន៍ស្នេហា ខណៈអ្នក
និងនាងមិនទាន់បានជួបមុខគ្នា។
5. កុំបាក់ទឹកចិត្ត
អ្នក
ណាក៏ដោយ ពេលនិយាយទៅកាន់នារីណាម្នាក់
គឺមិនសូវមានរឿងអ្វីនិយាយច្រើនទេ។ កុំទុកសំនួរ ឬចម្លើយចោល
បើសិនជាអស់រឿងអីនិយាយ ។ និយាយលានាងដោយពោលពាក្យ ”
ខ្ញុំនៅមានការងារច្រើនត្រូវធ្វើ ជួបគ្នាពេលក្រោយ ” ។ ធ្វើបែបនេះ
នាងនឹងគិតថាអ្នកមិនមែនជាមនុស្សដែលតែងតែអនឡាញ
គ្រប់ពេលវេលានោះទេ អ្នកនៅមានការងារច្រើនត្រូវធ្វើទៀត
ក្នុងជីវិតប្រចាំថ្ងៃ។
តើ ប្រិយមិត្តធ្លាប់បរាជ័យក្នុងការទាក់ទងនារីតាមអនឡាញដែរឬទេ? ប្រសិនបើធ្លាប់ សូមសាកល្បងតាមវីធីខាងលើម្ដងមើល ក្រែងលមានសង្ឃឹមជាងមុនបន្តិច !