ពេលវេលានេះ គឺពេលវេលាដែលក្រពះត្រូវរំលាយអាហារ និងពេលដែលត្រូវត្រៀមរៀបចំផែនការបន្ត ដូច្នេះមនុស្សដែលត្រូវបានសម្ភាសភាគច្រើនបានសារភាពថា ខ្លួនបានចំណាយពេលវេលាលើហ្វេសប៊ុក និងរៀបចំគម្រោងពេលល្ងាច។
ការស្ទង់មតិនេះគឺធ្វើជាមួយមនុស្សប្រមាណ៤២០នាក់ដោយការិយាល័យ London Offices.com។ អ្នកផ្តល់បទសម្ភាសភាគច្រើនមិនបានបង្ហាញអត្តសញ្ញាណឡើយ ដោយពួកគេសារភាពថា បានចំណាយពេលវេលាភាគច្រើនលើហ្វេសប៊ុក ការទាក់ទងគ្នា និងរៀបចំគម្រោងពេលល្ងាច និងវិស្សមកាល។
បុគ្គលិកម្នាក់បាននិយាយថា៖ «ខ្ញុំសារភាពថា ពេលនាឡិកាជិតឈានចូលដល់ម៉ោង១៥ ខ្ញុំបានចាប់ផ្តើមផ្តោតលើការងារឯកជន ដោយសារតែក្រពះមិនសូវធ្វើទុក បន្ទាប់ពីញ៉ាំបាយរួច»។
តាមលទ្ធផលនៃរបាយការណ៍ ខណៈដែលម៉ោង២និង៥៥នាទីរសៀលជាម៉ោងដែលមនុស្សខ្ជិលបំផុតនោះ ម៉ោង១០និង២៦នាទីព្រឹក និងម៉ោង៤និង១៦នាទី ជាពេលវេលាដែលមនុស្សបំពេញការងារបានច្រើនបំផុត។ អ្នកដែលផ្តល់បទសម្ភាសភាគច្រើនក៏ទទួលស្គាល់ផងដែរថា ពួកគេមិនសូវមានអារម្មណ៍ធ្វើការឡើយក្នុងរយៈពេល១៨នាទី មុនការចាកចេញពីការងារ៕
(ប្រភព៖ថ្មីៗ)
